უკრაინის შს მინისტრის არსენ ავაკოვის ინფორმაციით, დონეცკის ოლქში, კრამატორსკში მილიციის შენობას უცნობმა შეიარაღებულმა პირებმა ცეცხლი გაუხსნეს. როგორც ავაკოვი ,,ფიესბუქის“ გვერდზე იტყობინება, მიმდინარეობს ორმხრივი სროლები, მისივე ინფორმაციით, უკრაინის ხელისუფლება მომხდარს რუსეთის ფედერაციის მხრიდან განხორციელებულ აგრესიად განიხილავს.

"კრამატორსკში (დონეცკის მხარე) უცნობმა პირებმა დაცხრილეს მილიციის რაიონული განყოფილება. მილიციამ უპასუხა. მიმდინარეობს ორმხრივი სროლები", - წერს არსენ ავაკოვი.

დონეცკის ოლქში შექმნილი ვითარების გამო უკრაინის უშიშროების საბჭოს სხდომაა მოწვეული.