გიგი უგულავას სიმამრს შალვა კილაძეს ბრალი უკანონო სამეწარმეო საქმიანობისთვის წარედგინა. ამის შესახებ პროკურორმა განაცხადა, რომელიც კილაძესთან სახლში მივიდა და პროკურატურის გადაწყვეტილება გააცნო.

„გამოძიება მიმდინარეობს უკანონო სამეწარმეო საქმიანობის ფაქტზე. კერძოდ, ადგილი ჰქონდა წიაღისეულის მოპოვებას ლიცენზიის გარეშე. ამ ეტაპზე მოხდა ბრალის წაყენება“, - განაცხადა პროკურორმა.

გიგი უგულავას სიმამრი რუსთავის ფინანსურ პოლიციაში ხვალისთვის იყო დაბარებული. თუმცა ჯანმრთელობის მდგომარეობის გამო ის საგამოძიებო უწყებაში ვერ გამოცხადდებოდა. ამიტომ პროკურორმა და გამომძიებელმა პროკურატურის გადაწყვეტილება მას სახლში გააცნეს. აღნიშნულ ფაქტს უკვე გამოეხმაურა გიგი უგულავაც.

"ერთიანი ნაციონალური მოძრაობის" თბილისის ორგანიზაციის ხელმძღვანელი ამ ფაქტს პოლიტიკურ ზეწოლად და ოჯახის დაშინებად მიიჩნევს.

ნინო დათაშვილი