როგორც მოდის მოყვარულთათვის ცნობილია, გასულ წელს დაანონსებული მოდის კვირეული ჩაიშალა და ძალიან ბევრი დიზაინერი იმედგაცრუებული დარჩა. ბევრმა მათგანმა ფეშენ ვიკამდე 2 დღით ადრე გაიგო ეს ინფორმაცია. ორგანიზატორები იძულებულები გახდნენ უცხოეთიდან მოწვეული სტუმრებისთვისაც უარი ეთქვათ. წელს თბილისი მოდის კვირეული ისევ დაანონსდა. „თუ გვინდა, რომ საქართველოში მოდის ინდუსტრია განვავითაროთ, ასეთი პრეცენდენტი აღარ უნდა მოხდეს და სეზონი არ უნდა ჩაიშალოს“ - ამბობს ერთ-ერთი ორგანიზატორი ნინო იოსელიანი, რომელიც ესპანეთიდან საქართველოში დაბრუნებისთანავე ქართული მოდის ცხოვრებაში აქტიურად ჩაერთო.

ნინო იოსელიანი, მოდის კვირეულის ერთ-ერთი ორგანიზატორი, მოდის მარკენტინგის სპეციალისტი: წლევანდელი მოდის კვირეული ბევრად რეალურია, რადგან გვყავს სპონსორები, კომპანიები, რომლებიც გვერდში დაგვიდგებიან, და მოდის კვირეული აუცილებლად ჩატარდება. ეს არ არის მარტო თავშეყრის ადგილი და კარგი დროს გატარება, ეს არის ქვეყნისთვის ძალიან მნიშვნელოვანი, რადგან მოდის კვირეული ბევრ ქართველ დიზაინერს აძლევს საშუალებას თავიანთი თავი წარმოაჩინოს. ამიტომ წელს აუცილებლად ტარდება ფეშენ ვიკი 6- დან 11 მაისის ჩათვლით. წარმოდგენილი იქნება შემოდგომა-ზამთაარი 2014-2015...

-როგორც ვიცი მოდი კვირეულის პრინციპია, ყველა სეზონი სხვადასხვა ლოკაციაზე გაიმართოს, ამჯერად სად გექნებათ ჩვენება?

-ბოლოს ჩვენება ქარვასლაში გვქონდა, ამჯერად კი ვარდების ბაღი შევარჩიეთ. ჩვენება დახურულ სივრცეში გაიმართება. ამ ბაღში არის ძველი შენობა, ულამაზესი დარბაზით, სადაც იქნება ჩვენებები. ბაღის ტერიტორიის გამოყენებაც გვინდა, რომ ღია ციქ ქვეშ გავაკეთოთ საინტერესო სანახაობები. ბაღში გვექნება ასევე მიღება და სხვადახვა ივენთი.