ანაკლიის ინციდენტისას არავინ დაუკავებიათ

სამართალი - 14:52, 10 Apr, 2014

1838

ანაკლიაში მომხდარი ინციდენტი პოლიციის მიერ დროულად იქნა განმუხტული. ამის შესახებ "ნიუპოსტს" შსს-ში განუცხადეს.
მათი ინფორმაციით, ინციდენტთან დაკავშირებით არავინ დაუკავებიათ "პოლიცია სიტუაციაში დროულად ჩაერია, მოხდა სიტუაციის განმუხტვა და მხარეების დრულად დააშორისება", - აცხადებენ შსს-ში.
სამეგრელო-ზემო სვანეთის ყოფილ გუბერნატორს თენგიზ გუნავას ანაკლიაში ფიზიკურად გაუსწორდნენ.
როგორც „ნიუპოსტთან“ საუბარში თენგიზ გუნავამ აღნიშნა, ინციდენტი მთავრობის მიერ იმართებოდა.
„ადგილი ჰქონდა როგორც ფიზიკურ, ისე სიტყვიერ შეურაცხყოფას, ჩვენ ვიყავით 7 კაცი. მოვარდნენ, „ქართული ოცნების“ წარმომადგენლები და მოაწყვეს პროვოკაცია“,- განაცხადა „ნიუპოსტთან“ საუბრისას თენგიზ გუნავამ.
დღეს ანაკლიაში, "ქართული ოცნების" მომხრეები და "ნაციონალური მოძრაობის" წარმომადგენლები ერთმანეთს ფიზიკურად დაუპირისპირდნენ.
„ნაციონალური მოძრაობის“ წარმომადგენლებს 13:00 საათზე ანაკლიაში შეჩერებულ პროექტებთან დაკავშირებით ბრიფინგი ჰქონდათ დაგეგმილი.
„ქართული ოცნების“ წევრებმა მათ ბრიფინგის ჩატარების უფლება არ მისცეს. დაპირისპირების შედეგად რამდენიმე ადამიანია ნაცემი. ადგილზე საპატრულო პოლიცია იყო მობილიზებული.

ნინა შადური