ამერიკის საგარეო უწყების განცხადებაში ნათქვამია, რომ კერიმ და ლავროვმა, ოთხშაბათ საღამოს სატელეფონო საუბრისას „უკრაინის ქალაქებში მშვიდობიანი გზით სიტუაციის უსაფრთხო გადაწყვეტის აუცილებლობა“ განიხილეს და პოლიტიკური მიზნების მისაღწევად ძალის გამოყენება უარყვეს.

მინისტრებმა ასევე განიხილეს სირიიდან ქიმიური იარაღის გატანის საკითხი.

მანამდე, ოთხშაბათსვე, მინისტრების კიდევ ერთი საუბარი შედგა, რომლის მსვლელობისასაც კერიმ უარყო ინფორმაცია იმის შესახებ, რომ უკრაინის ხელისუფლება, ქვეყნის სამხრეთ-აღმოსავლეთში წესრიგის დასამყარებლად, ამერიკულ კერძო დაცვის ფირმა Greystone-ის თანამშრომლებს იყენებს.