საოკუპაციო რეჟიმმა 6 დღის წინ დაკავებული დავით კიკველაშვილი ჯარიმის გადახდის სანაცვლოდ გაათავისუფლა. ამის შესახებ „ნიუპოსტს“ სოფელ ქორდიდან აცნობეს.

რუს ძალოვნებს 38 წლის დავით კიკველაშვილი ე.წ. საზღვრის უკანონოდ გადაკვეთის ბრალდებით ჰყავდათ დაკავებული. მან ცხინვალის წინასწარი დაკავების იზოლატორში რამდენიმე დღე გაატარა. როგორც დაკავებულის დედა „ნიუპოსტთან“ საუბრისას აცხადებდა, მის შვილს ჯანმრთელობასთან დაკავშირებული პრობლემები აქვს და სისტემატიური მკურნალობის კურსს გადის.

სოფელ ქორდში ამბობენ, რომ პირობითი ე.წ. საზღვარი სოფელთან ახლოს გადის, რის გამოც 38 წლის კიკველაშვილი შემთხვევით საოკუპაციო რეჟიმის ტყვეობაში აღმოჩნდა.

გიორგი ახალკაცი „ნიუპოსტი“ გორი