რადიომაუწყებლობა „ამერიკის ხმა“, სახელმწიფო მედიაჰოლდინგ „რუსეთი დღეს“ მეთაურის, დიმიტრი კისილიოვის მიერ კონტრაქტის გაგრძელებაზე უარის თქმასთან დაკავშირებით, რუსეთში მაუწყებლობას წყვეტს.

„ჩვენ არ ვაპირებთ თანამშრომლობას“, - ნათქვამია კისილიოვის პასუხში, რუსეთში მაუწყებლობაზე კონტრაქტის გაგრძელების მოთხოვნაზე, მაუწყებლობის საკითხებში აშშ-ის მართვის საბჭოსაგან (BBG), რომელიც „ამერიკის ხმისა“ და „რადიო თავისუფლების“ მუშაობას კოორდინირებას უწევს.

„მოსკოვმა არასწორი მიმართულება აიღო და სიტყვის თავისუფლების შეზღუდვა გადაწყვიტა. ამ ფუნდამენტალური ღირებულების, რომელსაც მსოფლიოს ბევრი ქვეყანა იზიარებს. BBG რუსული აუდიტორიისათვის ონლაინ-პლატფორმებისა და მონაცემების თანამგზავრული გადაცემის საშუალებით მუშაობას განაგრძობს“, - განაცხადა BBG-ის მეთაურმა ჯეფ შელმა.

„ჩვენ თანაბარი პირობების წარმოდგენას ვითხოვთ: მაშინ, როდესაც მოსკოვის ზეწოლა მედია-სივრცეზე ძლიერდდება, რუსული საინფორმაციო საშუალებები, მათ შორის, კისილიოვის მიერ მართული არხი Russia Today, სარგებლობენ აშშ-სა და მთელ მსოფლიოში მაუწყებლობის ღია წვდომით“, - დასძინა შელმა.

ბოლო დროს, რუსულმა მედია სივრცემ სერიოზული ტრანსფორმაცია განიცადა. ზოგიერთი, კრემლისათვის თავიდანვე არაკონტროლირებადი მედიარესურსიდან, მთელი რიგი მთვარი რედაქტორები სამსახურიდან გაათავისუფლეს.

ბიბისის მიხედვით, მოამზადა ლევან ებრალიძემ.