უკრაინის უსაფრთხოების სამსახურმა დააკავა რუსეთის ფედერაციის მოქალაქე, რომელიც, უკრაინის სამხრეთ ოლქებში, სიტუაციის დესტაბილიზაციისათვის, სპეცსამსახურების დავალებებს ასრულებდა. ამის შესახებ უწყების პრეს-სამსახური იტყობინება.

1991 წელს დაბადებული მარია კოლედა, ხერსონში 4 აპრილს ჩავიდა. მისი თქმით, ეს მისი მეცხრე ვიზიტია უკრაინაში. 5-6 აპრილის განმავლობაში უცხოელმა რიგი შეხვედრები გამართა პრორუსული მოძრაობის ლიდერებსა და აქტივისტებთან ხერსონში, ასევე ადგილზე სიტუაციის მონიტორინგისათვის ოლქის რაიონული ცენტრები მოინახულა.

7 აპრილს მან უშუალო მონაწილეობა მიიღო ნიკოლაევსკის საოლქო სახელმწიფო ადმინისტრაციასთან შეტაკებებში, რომლის დროსაც ცეცხლსასროლი იარაღი გამოიყენა, რის შედეგადაც, მისი თქმით, სამი ადამიანი დაჭრა. ამის შემდეგ, ის მალულად დაბრუნდა ხერსონის ოლქში.

ოპერატიულმა მუშაკებმა დაადგინეს, რომ 8 აპრილს კოლედამ თავის კურატორს რუსეთის ფედერაციაში შეატყობინა „აქტივისტების“ თვითნაკეთი ასაფეთქებელი მოწყობილობების „შეუზღუდავი რაოდენობისა“ და მათგან იარაღის მიღების შესახებ შეთანხმების მიღწევის შესახებ. მან ასევე მოახსენა ორი დივერსიული ჯგუფის მომზადების შესახებ დონეცკში გასაგზავნად და მასიურ არეულობებში მონაწილეობისთვის.

დაკავებისას რუსს ჩამოართვეს საბრძოლო ტყვიების სასროლად გადაკეთებული ტრავმატული იარაღი და მეთოდური რეკომენდაციები დივერსიული ჯგუფების მოსამზადებლად.

მოამზადა ლევან ებრალიძემ.