„მე შევთავაზე, რომ სიმფეროპოლის ცენტრალურ მოედანზე ლენინის ძეგლი დადგან და ქალაქ სიმფეროპოლს ქალაქი პუტინი გადაარქვან“, - მოუწოდა ტრიბუნიდან ყირიმელი თათრების წარმომადგენელმა.

ერთ-ერთმა გამომსვლელმა მოუწოდა, რომ დაითხოვონ ქალაქის ხელმძღვანელობა, ძირითადად უკრაინული „პარტია რეგიონების“ წარმომადგენლობით, რადგან ისინი სხდომების წინ რუსეთის ჰიმნს არ უსმენენ.

ოლეგ ოსადჩი ქერჩს 1998 წლიდან ხელმძღვანელობს. ამ დროის მანძილზე, ის არაერთ კორუფციულ სკანდალში გაეხვა. ამასთან, ის თავის გამკრიტიკებლებს „ფაშისტებს“ ეძახდა.

მიტინგის ორგანიზება მოახდინეს პრომოსკოვური პარტიის „რუსული ერთობის“ წარმომადგენლებმა, რომელსაც, ფაქტობრივად მართავს ყირიმის ლიდერი სერგეი აქსენოვი, რომლის ხელმოწერაც რუსეთის ფედერაციის შემადგენლობაში ყირიმის შესვლის შეთანხმებაზეა.

ქერჩელმა აქტივისტებმა უკრაინის აღმოსავლეთ რეგიონების სეპარატისტების მიმართ, რომელთაც ხარკოვში, დონეცკსა და ლუგანსკიში ადმინისტრაციის შენობები დაიკავეს, მხარდაჭერა გამოხატეს.

სცენაზე გამომსვლელი ყვიროდა: „თევზი საიდან ყროლდება?!“ მომიტინგეები ერთხმად პასუხობდნენ: „თავიდან!“.

ბიბისის მასალებზე მოამზადა ლევან ებრალიძემ.