"უნიანის" ინფორმაციით, საპარლამენტო ასამბლეა რეზოლუციის პროექტს კენჭს 9 აპრილს უყრის.
"უმაღლესი რადას მაქსიმალური წარმომადგენლობის გარანტირებისთვის, რაც ქვეყანას ერთობისა და სტაბილურობისკენ მიიყვანს, აუცილებელია უახლოეს პერიოდში, თუ ამის ტექნიკური შესაძლებლობები იარსებებს, ჩატარდეს ვადამდელი საპარლამენტო არჩევნები", – ნათქვამია უკრაინასთან დაკავშირებით შემუშავებულ რეზოლუციის პროექტში.
პროექტის თანახმად, უკრაინაში პოლიტიკური მოვლენების შედეგად მოსახლეობის ჯგუფებს ექმნებათ საშიშროება, რომ მათი ინტერესები არ არის წარმოდგენილი ან არასაკმარისად არის წარმოდგენილი უმაღლეს რადასა და უკრაინის ცენტრალურ ხელისუფლებაში.
უკრაინის უმაღლესი რადას არჩევნები 2017 წლის შემოდგომით არის დაგეგმილი, ვადამდელი საპრეზიდენტო არჩევნები კი 25 მაისს გაიმართება.
ნინა შადური
მასალის გამოყენების პირობები






