საქართველოში უახლოეს დღეებში არამდგრადი ამინდია მოსალოდნელი. სინოპტიკოსები ქვეყნის მაღალმთიან რაიონებში ამაღამ თოვას ვარაუდობენ. პიდრომეტეოლოგიური სამსახურის ცნობით, დასავლეთ საქართველოში აცივდება, მაღალმთიან რეგიონებში ზოგან ძლიერი თოვლის ნალექია მოსალოდნელი. დასავლეთ საქართველოში ჰაერის ტემპერატურა 3 - 8 გრადუსი იქნება.

ხვალ საქართველოსზოგიერთ რაიონში წვიმა შენარჩუნდება. ჰაერის ტემპერატურა დასავლეთ საქართველოში 8-13, აღმოსავლეთ საქართველოში კი, 13-18 გრადუსი იქნება.

აღმოსავლეთ საქართველოში იქროლებს ძლიერი ქარი, რომლის სიჩქარე წამში 20-25 მეტრი იქნება. დასავლეთ საქართველოში კი ქარის სიჩქარე წამში 17-22 მეტრია მოსალოდნელი.

ქვეყნის მთელ ტერიტორიაზე გამოდარებას 10 აპრილიდან ელოდებიან, კერძოდ, დასავლეთ საქართველოში ღამით ტემპერატურა 5-8 გრადუსი, დღისით კი 17-22 გრადუსი იქნება. აღმოსავლეთ საქართველოს კი ღამით 3-8 გრადუსი, ხოლო დღისით 14-19 გრადუსი იქნება.

15 აპრილიდან ამინდი კვლავ შეიცვლება და იწვიმებს.