ინდოეთში ორშაბათს, 7 აპრილს, მსოფლიოში ყველაზე მსხვილი საყოველთაო არჩევნები დაიწყო. მასში მონაწილეობის უფლება 814 მილიონ ამომრჩველს აქვს. ხმის მიცემა ცხრა ეტაპად, 12 მაისამდე გასტანს, ხოლო წინასწარი მონაცემები 16 მაისამდე არ გამოცხადდება. პირველ ეტაპზე ასამისა და ტრიპურას შტატების ამომრჩეველი მისცემს ხმას.

კორუფციის გამო, ამჟამად მმართველი პარტიით, ინდოეთის ეროვნული კონგრესით, ბევრი ამომრჩეველი უკმაყოფილოა. ბოლო პროგნოზების თანახმად, განდის დინასტიის პარტია იმედს ხმათა 28 პროცენტზე ამყარებს. ყველაზე უკეთესი შანსები აქვს ინდუისტურ ნაციონალისტურ პარტია ბხარატია ჯანატას, რომელმაც შესაძლოა ხმათა 38 პროცენტი მიიღოს.

თუმცა ეს ნიშნავს, რომ ინდოეთის ვერცერთი მსხვილი პოლიტიკური ძალა ვერ მიიღებს აბსოლუტურ უმრავლესობას, და არჩევნებზე გამარჯვებულს მოწინააღმდეგესთან კოალიციაზე შეთანხმება მოუწევს.

მოამზადა ლევან ებრალიძემ.