ჩეხეთის პრეზიდენტმა მილოშ ზემანმა კვირას განაცხადა, რომ რუსეთი აღმოსავლეთ უკრაინაში შეჭრით „წითელ ხაზს“ გადაკვეთს. „ასეთ შემთხვევაში, მხარს დავუჭერ რუსეთთან მიმართებაში არამხოლოდ შესაძლო სანქციების გამკაცრებას, არამედ ნატოს ძალების საბრძოლო მზადყოფნაში მოყვანას და ალიანსის ჯარისკაცების უკრაინაში შეყვანას“, - განაცხადა ზემანმა ჩეხურ რადიოსთან ინტერვიუში.

ამავდროულად, ჩეხეთის პრეზიდენტი ფიქრობს, რომ ფედერალიზაცია უკრაინისთვის სასარგებლო იქნებოდა. ზემანმა აღნიშნა, რომ შეიცარია და გერმანია მოწყობილი არიან სწორედ როგორც ფედერალური სახელმწიფოები.

მოამზადა ლევან ებრალიძემ.