სააპელაციო სასამართლოში ე.წ. 7 სპეცრაზმელის საქმეზე ბაჩო ახალაიას პროცესი გაიმართება. სხდომაზე პროკურორები სასამართლოს წინაშე რეპლიკით წარსდგებიან. საბოლოო სიტყვის თქმის უფლება ბრალდებულებსაც მიეცემათ.

ბაჩო ახალაიასთან ერთად ბრალდებულები არიან შს სამინისტროსა და თავდაცვის სამინისტროების ყოფილი წარმომადგენლები: მამუკა აბაშიძე, რობერტ ხურციძე, ალექსი დავითაშვილი, ვლადიმერ ზანგიევა, დავით ვეკუა და დავით ჩუბინიძე.

პროკურატურა მათ იაღლუჯას საწვრთნელ ბაზაზე 7 სპეცრაზმელის წამებას ედავება.

2013 წლის 31 ოქტომბერს თბილისის საქალაქო სასამართლომ ე.წ. 7 სპეცრაზმელის საქმეზე ბაჩო ახალაია და მასთან ერთად ბრალდებული 7 პირი უდანაშაულოდ ცნო, პროკურატურამ კი პირველი ინსტანციის გადაწყვეტილება სააპელაციო სასამართლოში გაასაჩივრა.

სასამართლო პროცესი თბილისის სააპელაციო სასამართლოში 13:00 საათზე დაიწყება.

ნინო დათაშვილი