თავდაცვის და შსს მინისტრის ბაჩო ახალაიას მეუღლე ანი ნადარეიშვილი საქართველოს მთავარ პროკურატურაში დაკითხვაზე იმყოფება.

როგორც ნადარეიშვილმა ჟურნალისტებს განუცხადა, მისთვის უცნობია თუ რა საქმეზე დაიბარეს, თუმცა, ვარაუდობს, რომ მას კითხვებს შალვა თათუხაშვილის საქმესთან დაკავშირებით დაუსვამენ.

"გუშინ მომიტანეს უწყება, მასში არ წერია თუ რასთან დაკავშირებით ვარ დაბარებული, თუმცა, ჩემი ვარაუდით, ეს უკავშირდება შალვა თათუხაშვილის საქმეს. როგორც ვიცი, არ არის დაწყებული გამოძიება თათუხაშვილის წამებასთან დაკავშირებით. გამოძიება დაწყებულია მის თვითმკვლელობამდე მიყვანის მუხლით, რაც არასწორია", - განაცხადა ნადარეიშვილმა.

ანი ნადარეიშვილი პროკურატურაში ადვოკატ მალხაზ ველიჯანაშვილთან ერთად იმყოფება.