უკრაინის პრემიერ-მინისტრი არსენი იაცენიუკი აცხადებს, რომ არ არსებობს მიზეზი, რომლითაც რუსეთმა გაზის ფასი აწია, გარდა ერთისა - პოლიტიკურის.

ამის შესახებ იაცენიუკმა სააგენტო Reuters-ს განუცხადა. მან აღნიშნა, რომ რუსულ გაზზე ფასი 485 დოლარი „აბსოლუტურად მიუღებელია“: „რუსეთის ფედერაციამ ეს მშვენივრად იცის“.

„ჩვენ ველით, რომ რუსეთი გაზის ზეწოლის საკითხში უფრო შორს წავა, მათ შორის, უკრაინის ტერიტორიაზე მიწოდების შეზღუდვას დაიწყებს“, - ხაზი გაუსვა პრემიერმა.

მისი თქმით, სიტუაციიდან ერთ-ერთი გამოსავალია დივერსიფიკაცია და სლოვაკეთიდან რევერსიული მიწოდება. რევერსიული მიწოდების მოგვარება, უკრაინას საშუალებას მისცემს გადაიხადოს გაზში „არა 500 დოლარი, როგორც დღეს რუსეთი აწესებს, არამედ 350 დოლარის ფარგლებში“.

მოამზადა ლევან ებრალიძემ.