მას შემდეგ, რაც ნატოს წევრი ქვეყნების საგარეო უწყებებმა განაცხადეს, რომ აჩერებენ პრაქტიკულ და სამხედრო თანამშრომლობას ნატოსა და რუსეთს შორის, მაგრამ ინარჩუნებენ კონტაქტს ნატო-რუსეთის საბჭოს დონეზე, რუსეთის თავდაცვის სამინისტრომ მოსკოვში კონსულტაციებისთვის გამოიძახა თავისი სამხედრო წარმომადგენელი ნატოში.

ამის შესახებ განცხადება ანატოლი ანტონოვმა გააკეთა.

,,ხელოვნურად დაძაბულობის შექმნის პოლიტიკა ჩვენი არჩევანი არ არის, თუმცა ჩვენ ვერ ვხედავთ შესაძლებლობას, გავაგრძელოთ სამხედრო თანამშრომლობა ნატოსთან, როგორც მანამდე.

ჩვენს მიერ იქნა მიღებული გადაწყვეტილება, გამოვიწვიოთ მოსკოვში კონსულტაციებისთვის რუსეთის სამხედრო წარმომადგენელი ნატოში გენერალ-პოლკოვნიკი ევნევიჩა“, - განაცხადა ანტონოვმა.

მომავალი ურთიერთობა ალიანსთან სამხედრო კუთხით, ჩამოყალიბდება გამომდინარე იქიდან, თუ რა პრაქტიკულ ნაბიჯებს გადადგამენ პარტნიორები ,,რუსეთის შეკავების“ საკითხში, - დასძინა მან.

რუსეთის ფედერაციის თავდაცვის მინისტრის მოადგილის განცხადებით, ჩრდილოატლანტიკურმა ალიანსმა სამხედრო და სამოქალაქო თანამშრომლობის შეჩერებით გაანულა ყველა შედეგი, რომელიც იყო ჩვენს შორის მიღწეული.

,,ვიმედოვნებ, რომ ბრიუსელში კარგად არის გათვლილი შესაძლო შედეგები ევროატლანტიკის უსაფრხოებისთვის“, - ამბობს ანტონოვი.