ირაკლი შოთაძე - ფარცხალაძე ჩემი მეგობარია, თუმცა, პროკურატურის საქმიანობაში არ ერევა

სამართალი - 18:39, 03 Apr, 2014

6163

მთავარი პროკურორის პირველი მოადგილე ირაკლი შოთაძე აცხადებს, რომ ყოფილი მთავარი პროკურორი ოთარ ფარცხალკაძე მისი მეგობარია, მაგრამ მას არანაირი შეხება არ აქვს სისხლის სამართლებრივ საქმეებთან და არც მის სამსახურებრივ საქმიანობასთან.

ირაკლი შოთაძემ დაასტურა და არ უარყო, რომ ის მეგობრობს ოთარ ფარცხალაძესთან, თუმცა, მისივე განმარტებით, ამ ეტაპზე არანაირი სისხლის სამართლის საქმეებში ოთარ ფარცხალაძე არ ერევა.

„ოთარ ფარცხალაძე არის ჩემი მეგობარი, რომელსაც წლებია ვიცნობ და რა თქმა უნდა, არ გამოვრიცხავ, მეგობარი შეიძლება შეგხვდეს, ჩვეულებრივი მომენტია და ამაში დასაძრახი არაფერი არ არის, მიუხედავად იმისა, რომ „ნაციონალურმა მოძრაობამ“ მოახდინა ამ პირის დემონიზაცია, ეს იმას არ ნიშნავს, რომ ოთარ ფარცხალაძე საზოგადოებიდან უნდა გავრიყოთ. ოთარ ფარცხალაძეს არც ერთ სისხლის სამართლებრივ საქმესთან და ჩემს სამსახურებრივ მუშაობასთან არანაირი შეხება არ აქვს, არც პირდაპირი, არც ირიბი და არც შეიძლება, რომ ჰქონდეს“,- განაცხადა ირაკლი შოთაძემ.

შეგახსენებთ, ოპოზიცია აცხადებს, რომ ოთარ ფარცხალაძე ჯერ კიდევ ერევა სისხლის სამართლის საქმეებსა და პროკურატურის მუშაობაში. ოპოზიცის ინფორმაციით, ირაკლი შოთაძე არაერთხელ შეხვდა თავად ოთარ ფარცხალაძეს.

ნინა გოლოშვილი