რა "სიურპრიზებს" გვიმზადებს აპრილი - წინ ორი უმნიშვნელოვანესი ასტროლოგიური მოვლენა გველოდება

ეს საინტერესოა - 15:31, 03 Apr, 2014

13346

აპრილში ორი დაბნელება გველის - 15 აპრილს მთვარის, ხოლო 29 აპრილს - მზის. აქედან გამომდინარე, რბილად რომ ვთქვათ, აპრილის თვე ემოციურად, ცოტა არ იყოს და, ცხელი იქნება.
თუმცა არ არსებობს ბნელი, ნათელი მხარის გარეშე. ასევე, ნუ დაგვავიწყდება ის, რომ არც ერთი ასტროლოგიური პროგნოზი არ შეიძლება განვიხილოთ როგორც ერთმნიშვნელოვნად ცუდი ან კარგი. როგორც ამბობენ, "როცა ერთი კარი იხურება, იქ ფანჯარა იღება შორიახლოს სადმე"...
მთვარის სრული დაბნელება 15 აპრილს სასწორის ზოდიაქოს ნიშანში, დილის საათებში, დაახლოებით 11:45 წუთზე მოხდება. ხოლო მზის დაბნელებას 29 აპრილს კუროს ზოდიაქოში, დაახლოებით 10:03 წუთზე უნდა ველოდოთ.
ასტროლოგების აზრით, ზოგადად, დაბნელებები ადამიანების ჯანმრთელობასა და ემოციურ მდგომარეობაზე მძაფრად მოქმედებს. მთვარის დაბნელება კონკრეტულად ადამიანების ფსიქიკაზე ახდენს გავლენას, ხოლო მზის - ფიზიოლოგიურ მდგომარეობაზე.
ამასთან ერთად, ორი კვირით ადრე და ორი კვირით გვიან უშუალოდ დაბნელების მომენტისა, გარკვეულწილად რთული პერიოდი დგება სოციუმის ცხოვრებაში. ამიტომაც ვვარაუდობთ იმას, რომ აპრილის თვე, ზოგადად, არ იქნება მარტივი და ბევრი ჩვენგანის ცხოვრებაში კარდინალური ცვლილებების აუცილებლობასა და ალბათობას მოიტანს.
მთვარის დაბნელების პერიოდში, ანუ დაახლოებით 15 აპრილის რადიუსში (+-2 დღე წინ და უკან), იმატებს ფსიქო-ემოციური პრობლემები. ბავშვები გაცილებით უფრო რთულად ემორჩილებიან დისციპლინას, ბევრს ჭირვეულობენ და ა.შ.
ნინა შადური

წყარო: marao.ge