გენერალური პროკურორის მოვალეობის შემსრულებელმა ოლეგ მახნიცკიმ განაცხადა, რომ სწორედ ამ სპეცრაზმელებზე გასცეს ცეცხლსასროლი იარაღი, კერძოდ, სნაიპერული შაშხანებიც, რათა მათ დაეცვათ უიარაღო „ბერკუტის“ უკან დახევა.

უკრაინული პროკურატურის ხელმძღვანელი ამბობს, რომ დაკავებულთა რიცხვი საბოლოო არ არის, ის შეიძლება კიდევ გაიზარდოს, უნდა დააკავონ კიდევ 4 ეჭვმიტანილი.

იარაღი „მიიღო მხოლოდ სპეციალურმა ტაქტიკურმა ქვედანაყოფმა. მათი ამოცანა იყო, როგორც ისინი დღეს ირწმუნებიან, თუმცა ჩვენ მათ ბოლომდე არ ვენდობით, ესროლათ თავდამსხმელი მომიტინგეებისათვის და მიეცათ საშუალება ბერკუტის ძირითადი ძალებისათვის, რომელთაც იარაღი არ ჰქონდათ, არამედ მხოლოდ სპეციალური საშუალებები ჰქონდათ, უკან დაეხიათ ინსტიტუტის ქუჩიდან ბანკოვის რაიონში“, - განაცხადა გენპროკურორის მოადგილემ.

მოამზადა ლევან ებრალიძემ.