შეერთებულმა შტატებმა კოსმოსურ სფეროში, საერთაშორისო კოსმოსური სადგურის პროექტის გარდა, რუსეთთან თანამშრომლობა შეწყვიტა, იტყობინება NASA.

ასეთი გადაწყვეტილება, უკრაინასთან ურთიერთობაში, რუსეთის მოქმედებებთან დაკავშირებით მიიღეს.

„იმის გათვალისწინებით, რომ რუსეთი აგრძელებს უკრაინის სუვერენიტეტისა და ტერიტორიული მთლიანობის დარღვევას, NASA შეაჩერებს რუსეთის ფედერაციასთან კონტაქტების დიდ ნაწილს. მიუხედავად ამისა, NASA და როსკოსმოსი განაგრძობენ ერთად მოქმედებას საერთაშორისო კოსმოსური სადგურის უწყვეტი მუშაობისა და უსაფრთხოების უზრუნველსაყოფად“.

NASA-ს განცხადებაში ასევე დასახულია მიზანი, რომ რაც შეიძლება მალე დაასრულონ საკუთარი პილოტირებადი ხომალდის აღჭურვა და ამერიკელი ასტრონავტების საერთაშორისო კოსმოსურ სადგურზე გაგზავნისას გათავისუფლდნენ „რუსეთზე დამოკიდებულებისაგან“. შესაბამისი საბიუჯეტო დაფინანსების შემთხვევაში, ზოგიერთი ექსპეტის აზრით, ასეთი ხომალდი შესაძლოა 2017 წლისათვის აიგოს. და თუ კონგრესი არ გამოყოფს აუცილებელ სახსრებს, მაშინ შეერთებული შტატები „ისევ განაგრძობს მილიონობით დოლარის რუსეთში გადაგზავნას“, იფრთხილება კოსმოსური უწყება.

ამ დროისათვის, საერთაშორისო კოსმოსურ სადგურზე საერთაშორისო ეკიპაჟების, მათ შორის ამერიკელი ასტრონავტების, გადაყვანა ხორციელდება მხოლოდ რუსული ხომალდებით Союз. შესაბამისი კონტრაქტი NASA-სა და როსკოსმოსს შორის გათვლილია 2017 წლამდე. ამერიკული მედიის მონაცემებით, Союз-ის კაბინაში ერთი ადგილისათვის, აშშ იძულებულია დაახლოებით 70 მილიონი დოლარი იხადოს.

მოამზადა ლევან ებრალიძემ.