ნატოს გაერთიანებული ძალების მთავარსარდალმა ევროპაში, აშშ-ის გენერალმა ფილიპ ბრიდლავმა განაცხადა, რომ რუსეთისა და უკრაინის საზღვარზე სიტუაცია კვლავ სერიოზულ საფრთხეს ქმნის.

მისი თქმით, რუსეთი, ქვეყანაში შესაჭრელად, ყველა აუცილებელ სამხედრო რესურსს ფლობს. გენერლის აზრით, ასეთ შეჭრას 3-დან 5 დღემდე დასჭირდება.

ბრიდლავმა ასევე აღნიშნა, რომ ნატოს ისევ არ გააჩნია იმის მტკიცებულება, რომ რუსული ჯარები ყაზარმებში ბრუნდება.

რუსეთ-უკრაინის საზღვარზე არსებულ სიტუაციას მან „წარმოუდგენლად აღმაშფოთებელი“ უწოდა.

მანამდე, გერმანიის კანცლერმა ანგელა მერკელმა თქვა, რომ რუსეთის პრეზიდენტმა, ვლადიმერ პუტინმა დაარწმუნა ის, რომ უკრაინის საზღვრიდან ჯარების გაყვანის განკარგულება გასცა. თუმცა, ორი დღით მოგვინებით, ნატოს გენერალურმა მდივანმა ანდრეს ფოგ რასმუსენმა განაცხადა, რომ რუსული ჯარების არანაირი გაყვანა არ ფიქსირდება.

მოამზადა ლევან ებრალიძემ.