ექსპერტის ვარაუდით, თათუხაშვილის ცხედარს მექანიკური ზემოქმედების კვალი აღენიშნება

სამართალი - 22:44, 01 Apr, 2014

3058

ირაკლი ზაქარეიშვილის თქმით, ის ფსიქოლოგიური ტრავმა, რაც თათუხაშვილმა გადაიტანა საკმარისია იმისთვის, რომ უეცარი სიკვდილი განვითარებულიყო.
„მე ინტოქსიკაციით სიკვდილს გამოვრიცხავ იმიტომ, რომ სახეზეა ყველა ნიშანი უეცარი სიკვდილს, ამხელა სტრესს მისმა ორგანიზმმა და მისმა გულმა ვერ გაუძლო“, - განაცხადა ირაკლი ზაქარეიშვილმა გადაცემა „არჩევანში“.
ადვოკატის თქმით, იგი ცხედარის დათვალიერებას და გაკვეთას პირადად დაესწრო. ზაქარეიშვილი ამბობს, რომ ცხედარს დაზიანებები აქვს სახეზე და ეს არის მექანიკური დაზიანება.
ადვოკატის განცხადებით, ექსპერტმა ალექსანდრე გეჯაძემ ფოტოები ნახა და დაადასტურა, რომ ცხედარზე არსებული ლაქები ფსიქოტროპული ზემოქმედების შედეგად დარჩენილი ლაქები კი არაა, დაზიანებებია, მექანიკური ზემოქმედების კვალი.
„ფოტოები იმიტომ ავტვირთე და გამოვაქვეყნე, რომ მისი ავთენტურობა არ დამდგარიყო ეჭვქვეშ. ყველა ის დაზიანება რაც ფოტოშია დაფიქსირებული, შეტანილია ოქმში“, - აღნიშნა ადვოტმა. „როდესაც მე მას შევხვდი ის იყო უმძიმეს მდგომარეობაში, შალვას შევხვდი გატაცების ღამესვე, კონსპირაციულად, მან შემომითვალა და შევხვდი საიდუმლო ვითარებაში. ძალიან შევძრწუნდი, რომ ის ძველ შალვას არ ჰგავდა. მე აღვიქვი, რომ შალვა თათუხაშვილი იყო აშკარად ფსიქოტროპული ნივთიერებების ნარჩენი მოვლენების ზემოქმედების ქვეშ“, - ამბობს ზაქარეიშვილი.

ნინა გოლოშვილი