საბაჟო გამშვები პუნქტის „სარფის“ მებაჟე ოფიცრებმა 28-30 მარტს ნარკოტიკული და ფსიქოტროპული ნივთიერებების შემცველი მედიკამენტების შემოტანის 6 შემთხვევა გამოავლინეს.

28 მარტს თურქეთის მოქალაქე ი.ი.-ის ხელბარგის დათვალიერებისას აღმოჩენილ იქნა ნარკოტიკული ნივთიერების შემცველი მედიკამენტი Benical (pseudoefedrin 30 mg)-10 აბი და Sudafed (pseudoefedrin 60 mg) – 4 აბი. 15 აბი ნარკოტიკული ნივთიერების შემცველი მედიკამენტი Acetaminophen Codeine 300/10 აღმოჩნდა იმავე დღეს ირანის რესპუბლიკის მოქალაქე თ.ფ.-ის ხელბარგში; 18 აბი Acetaminophen Codeine 300/10 აღმოჩნდა ირანის მოქალაქე რ.ნ.-ის ბარგში, ხოლო ასევე ირანის მოქალაქე ჰ.ჰ.-ს ამავე მედიკამენტის 52 აბი შემოჰქონდა.

ანალოგიური შემთხვევები დაფიქსირდა 30 მარტს. კერძოდ, თურქეთის მოქალაქე ა.ფ.-ს 8 აბი ნარკოტიკული ნივთიერების შემცველი მედიკამენტი T-DOL-200 აღმოუჩინეს, ხოლო ირანის რესპუბლიკის მოქალაქე ა.ა.-ს - ფსიქოტროპული და ნარკოტიკული ნივთიერებების შემცველი მედიკამენტები: COLDAX – 6 აბი, SUPRA COLD – 21 აბი და ACETAMINOPHEN CODEINE – 15 აბი.

ექვსივე მოქალაქის საქმის მასალები შემდგომი რეაგირებისათვის გადაეცა შსს საპატრულო პოლიციის დეპარტამენტის აჭარის ავტონო,იური რესპუბლიკის მთავარ სამმართველოს.