შსს-ს ყოფილ მაღალჩინოსნებს პროკურატურა გირგვლიანის საქმის სხვადასხვა ეპიზოდს ედავება.

საქმეში ბრალდებულის სტატუსით არიან დათა ახალაია, ვანო მერაბიშვილი, ოლეგ მელნიკოვი, გია ალანია და ვალერიან მეტრეველი.

დათა ახალაიას ადვოკატ მალხაზ ველიჯანაშვილის თქმით, მოსამართლე ბრალდების მხარის მიერ საქმეზე მტკიცებულებების დართვასთან დაკავშირებით დაყენებული შუამდგომლობის თაობაზე გადაწყვეტილებას მიიღებს.

“ბრალდების მხარეს შუამდგომლობა აქვს დაყენებული. მტკიცებულების დართვასთან დაკავშირებით. სასამართლო ჩვენს პოზიციას მოისმენს, რის შემდეგაც უკვე თავის გადაწყვეტილებას გამოცხადებს’’, - განაცხადა მალხაზ ველიჯანაშვილმა.

ადვოკატის განცხადებით, სასამართლომ დასაკითხ პირთა სია უკვე დაამტკიცა. თუმცა, მასში არ არის მიხეილ სააკაშვილი.

“რაც შეეხება მიხეილ სააკაშვილის დაკითხვას, ამ საქმესთან დაკავშირებით ეს ფიზიკურად უკვე შეუძლებელია, რადგანაც, დამტკიცებულია სასამართლოში მოწმის სახით დასაკითხ პირთა სია. მიხეილ სააკაშვილის დაკითხვის თაობაზე არც პროკურატურას უშუამდგომლია”, - განაცხადა მალხაზ ველიჯანაშვილმა.

სანდრო გირგვლიანი საქმეზე ბრალდებულია სასჯელაღსრულების დეპარტამენტის მაშინდელი უფროსი ბაჩო ახალაია, თუმცა მისი საქმე ცალკე წარმოებადაა გამოყოფილი.