უკრაინის საზღვრებთან, რუსი სამხედროების რაოდენობა 10 ათას ადამიანამდე შემცირდა, ამის შესახებ, ფეისბუკის საკუთარ გვერდზე სამხედრო-პოლიტიკური კვლევის ცენტრის ხელმძღვანელმა, დიმიტრი ტიმჩუკმა დაწერა.

„ამ შაბათ-კვირის მთავარი პოზიტივი ისაა, რომ ჩვენ უკვე მეორე დღეა ვაკვირედებით საზღვარზე განტვირთვას. რუსეთის ფედერაციის სასაზღვრო რაიონებში, რუსი სამხედროების რაოდენობა 10 ათასი ადამინის ფარგლებში რჩება“, - დაწერა მან.

ამასთან, დასძინა, რომ „ეს არ ნიშნავს , რომ გუდა-ნაბადი ავიკრათ და სახლში წავიდეთ“. თუმცა ტიმჩუკის შეფასებით, რუსეთის შეჭრის ალბათობა მცირდება.

„ასე ვთქვათ: თუ ერთი კვირის წინ ჩვენ რუსეთის შემოჭრის ალბათობას 80%-ით ვაფასებდით, მაშინ ახლა სადღაც 50%-ია. და ეს გვახარებს“, - წერს ტიმჩუკი.

მოამზადა ლევან ებრალიძემ.