ერდოღანმა, არჩევნებში თავისი პარტიის გამარჯვებისათვის, ამომრჩევლებს მადლობა გადაუხადა.

„ჩვენ ჩვენი გამარჯვება ქუჩაში არ გვიპოვია. ჩვენ გავიმარჯვეთ პოლიტიკური მეთოდებით, დემოკრატიაში, არჩევნებზე“, თქვა ერდოღანმა ანკარაში პარტიის მთავარი ოფისის აივანზე გამოსვლისას.

მისი თქმით, დღევანდელი დღე მთელი, 77-მილიონიანი თურქეთის გამარჯვებაა.

თურქეთში დარეგისტრირებული ამომრჩეველი 52 მილიონ 695 ათას 831 ადამიანს შეადგენს.

მთელ ქვეყანაში 194 ათას 310 საარჩევნო ყუთი გახსნეს. ადგილობრივი მუნიციპალური სახელისუფლებლო ორგანოების არჩევნებში 26-მა პოლიტიკურმა პარტიამ მიიღო მოანაწილეობა. მიუხედავად ამისა, მოსალოდნელია, რომ ძირითადი ბრძოლა თურქეთის სახალხო რესპუბლიკურ პარტიასა და განვითარებისა და სამართლიანობის მმართველ პარტიას შორის გაიმართება .

მოამზადა ლევან ებრალიძემ.