მსჯავრდებულის მეუღლეს მოსამართლესთან კომუნიკაციისთვის 5 000 ლარის გადახდა მოუწევს.

უზენაეს სასამართლოში გამართულ სხდომაზე მოსამართლესთან კომუნიკაციის წესის დარღვევის საკითხი განიხილეს.

უზენაესი სასამართლოს მოსამართლეს facebook-ის გვერდზე ერთ-ერთ კონკრეტულ საქმეზე, რომელსაც იგი იხილავდა, მსჯავრდებულის მეუღლემ წერილი მისწერა, სადაც მოსამართლისგან მსჯავრდებული მეუღლისთვის სასარგებლო გადაწყვეტილების გამოტანას ითხოვდა.

სასამართლომ მოსამართლესთან ექსპარტე კომუნიკაციის წესის დარღვევის ამ კონკრეტული შემთხვევის შესახებ იმსჯელა და მსჯავრდებულის მეუღლე დააჯარიმა. მას „საერთო სასამართლოების მოსამართლეებთან კომუნიკაციის წესის შესახებ“ კანონის თანახმად, 5 000 ლარის ჯარიმის გადახდა მოუწევს.

„საერთო სასამართლოების მოსამართლეებთან კომუნიკაციის წესის შესახებ“ კანონის თანახმად, საერთო სასამართლოების მოსამართლეებთან საქმესთან დაკავშირებით ნებისმიერი ფორმით ურთიერთობა, მათ შორის მიმოწერა, საუბარი ტელეფონით ან სხვა სახის ტექნიკური საშუალებებით აკრძალულია და ისჯება კანონით.