უკრაინული პარტია „ბატკივშინას“ ლიდერმა, იულია ტიმოშენკომ განაცხადა, რომ რუსეთის პრეზიდენტი ვლადიმერ პუტინი მის № 1 მტრად რჩება.

ამის შესახებ მან უკრაინის უმაღლეს რადაში ბრიფინგზე განაცხადა.

„არ ვარ მზად კომენტარი გავაკეთო „ფეესბეს“ მიერ ფალსიფიცირებულ ჩემ პირად საუბრებზე. მე მხოლოდ ერთი რამის თქმა შემიძლია, რომ სანამ კრემლს ყირიმი ოკუპირებული აქვს, ვლადიმერ პუტინი ჩემთვის № 1 მტრად რჩება. და მთელ ჩემ ძალისხმევას, რომელიც გამაჩნია, მივმართავ უკრაინის დაცავაზე ყირიმის ოკუპაციის შესაწყვეტად“, - თქვა ტიმოშენკომ.

მან ხაზი გაუსვა, რომ არასოდეს დაეთანხმება პოზიციას, რომ საჭიროა შეეგუონ იმას, რომ უკრაინისთვის ყირიმი დაკარგულია.

მოამზადა ლევან ებრალიძემ.