ტაილანდი იუწყება 300 ობიქტის აღმოჩენის შესახებ, რომლებიც შესაძლოა ავიაკომპანია Malaysia Airlines-ის „ბოინგის“ ნამსხვრევები იყოს.

ობიექტების ზომა სიგრძეში 15 მეტრს აღწევს და მდებარეობენ ინდოეთის ოკეანის სამხრეთ ნაწილში, ავსტრალიიდან სამხრეთ-დასავლეთით 2700 კილომეტრში.

ნამსხვრევები ტაილანდის კოსმოსური სააგენტოს თანამგზავრიდან გადაღებულ ფოტოებზე აღმოაჩინეს.

თვითმფრინავი Boeing 777, რომელიც კუალა-ლუმპურიდან პეკინში ასრულებდა რეისს, 8 მარტს დაიკარგა. ბორტზე 239 ადამიანი იმყოფებოდა. მალაიზიის ხელისუფლება მიიჩნევს, რომ თვითმფრინავის კურსი განზრახ შეცვალეს.