აშშ-ის პრეზიდენტმა, ბარაკ ობამამ რუსეთი გააფრთხილა „უხეში ძალით“ პოლიტიკური მიზნების მიუღწევლობის შესახებ. „რუსეთის მთავრობა ეჭვქვეშ აყენებს ჭეშმარიტებას, რომელიც, სულ რამდენიმე კვირის წინ, ჩანდა, რომ თავისთავად იგულისხმებოდა“, - განაცხადა თეთრი სახლის მეთაურმა 26 მარტს, ბრიუსელში, ნატოს გენერალურ მდივანთან ანდრეს ფოგ რასმუსენთან შეხვედრის შემდეგ.

ობამას თქმით, თუ ყირიმის რუსეთის შემადგენლობაში შეყვანის შემდეგ მოსკოვი ამჟამინდელ კურსს განაგრძობს, ის კიდევ უფრო ძლიერ იზოლაციაში აღმოჩნდება. „დღეს ნატოს თვითმფრინავები ბალტიის ქვეყნების საჰაერო სივრცეს აკონტროლებენ, ჩვენ გავაძლიერეთ ჩვენი წარმომადგენლობა პოლონეთში, მზად ვართ უფრო წინ წავიდეთ“, - განაცხადა ამერიკის პრეზიდენტმა.

ამასთან მან უარყო საქართველოსა და უკრაინის ჩრდილოატლანტიკურ ალიანსში უახლოეს მომავალში შესვლის გეგმის არსებობა.

მოსკოვის ბრალდებას, რომ „აშშ მოლაპარაკებაში შევიდა ფაშისტებთან“ უკრაინაში, ობამამ აბსურდული უწოდა.

მოამზადა ლევან ებრალიძემ.