ერნსტი უკრაინაში რუსეთის არხების აკრძალვის გაუქმებას ითხოვს

მსოფლიო - 21:14, 26 Mar, 2014

2234

"ინტერფაქსის“ ინფორმაციით, რუსეთის პირველი არხის დირექტორი კონსტანტინ ერნსტი უკრაინას მოუწოდებს, გააუქმოს გადაწყვეტილება უკრაინის ტერიტორიაზე რუსეთის ტელეარხების აკრძალვასთან დაკავშირებით.
"მოვუწოდებთ სახელმწიფოს მარეგულირებელ ორგანოებს, აღიაროს ეროვნული ბიზნესის უფლება პარტნიორებთან გრძელვადიანი და ლეგიტიმური ურთიერთობების საფუძველზე და გააუქმონ რუსეთის არხების რეტრანსლაციის დროებითი აკრძალვა", – ნათქვამია ერნსტის განცხადებაში.
მისი თქმით, 2007 წლიდან შექმნილია პირველი არხის სპეციალური ვერსია, რომელიც ადაპტირებულია უკრაინის კანონმდებლობასთან, გათვალისწინებულია უკრაინის მრავალათასიანი მაყურებლის ინტერესები, მით უფრო, რომ ბევრ მათგანს განსხვავებული პოზიცია აქვს უკრაინაში მიმდინარე მოვლენებზე. ერნსტის განცხადებით, კიევის ადმინისტრაციულ საქმეთა სასამართლოს გადაწყვეტილება ევროპულ კონვენციას ეწინააღმდეგება და მზად არის უკრაინის სასამართლოში ამასთან დაკავშირებით სარჩელიც შეიტანოს. ცნობისთვის, კიევის სასამართლოს გადაწყვეტილებით, უკრაინის ტერიტორიაზე "ერ-ტე-ერის", "რასია 24"-ის, "პირველი არხისა" და "ენ-ტე-ვეს" მაუწყებლობა შეჩერებულია.