ბარაკ ობამა და ანდრეს ფოგ რასმუსენი, დღეს, ბრიუსელში, უკრაინის სიტუაციასა და რუსეთთან ურთიერთობებს განიხილავენ.

ეს საკითხი, პოლიტიკოსების დღის განრიგში, სასაწრაფოდ შეიტანეს, იუწყება სააგენტო Укринформ.

„მოსალოდნელია, რომ შეხვედრის დროს საუბარი შეეხება ალიანსის ერთგულებას კოლექტიური უსაფრთხოების უზრუნველყოფაში, კრიზისს უკრაინაში, რუსეთთან ურთიერთობებს და სექტემბერში უელსში ნატოს სამიტისათვის მზადებას“, - იტყობინება ნატოს შტაბ-ბინა.

ამერიკელი ლიდერის ვიზიტთან დაკავშირებით, ბრიუსელში უსაფრთხოების უპრეცედენტო ზომები მიიღეს. კერძოდ, აკრედიტებულ ჟურნალისტებს ნახევარი საათით ადრე სამიტის პრეს-კონფერენციის დაწყებიდან მის დასრულებამდე, აკრძალულია ევროკავშირის საბჭოს შენობაში შესვლა და გამოსვლა.

27 მარტს, პრეზიდენტი ობამა თავის ევროპულ ტურნეს განაგრძობს და იტალიას მოინახულებს.

მოამზადა ლევან ებრალიძემ.