კოვალის კანდიდატურა წარადგინა პრეხიდენტის მოვალეობის შემსრულებელმა ალექსანდრე ტურჩინოვმა. „ის პროფესიონალი სამხედროა... ხელმძრვანელობდა საპარაშუტო ბატალიონს, სატანკო დივიზიას, მუშაობდა შინაგანი ჯარების შტაბის ხელმძღვანელად, დიდი ხანი მუშაობდა სახელმწიფო სასაზღვრო სამსახურის მეთაურის მოადგილედ“, - რეკომენდაცია გაუწია კოვალს ტურჩინოვმა.

უკრაინის უმაღლესმა რადამ, იგორ ტენიუხის პოსტიდან გადადგომის მოთხოვნის დაკმაყოფილების შემდეგ, მინისტრის მოვალეობის შემსრულებლად გენერალ-პოლკოვნიკი მიხეილ კოვალი დანიშნა. შესაბამის გადაწყვეტილებას, 314 დარეგისტრირებულიდან, 251-მა სახალხო დეპუტატმა დაუჭირა მხარი.

მიხეილ კოვალი - უკრაინის სასაზღვრო ჯარების გენერალ-პოლკოვნიკი 1956 წლის 26 თებერვალს დაიბადა.

2014 წლის 5 მარტს, უკრაინის სუვერენულ ტერიტორიაზე „უცნობი სამხედრო ფორმირებების“ შეჭრისას, ის იალტასთან მდებარე სამხედრო ნაწილის მიმდებარე ტერიტორიიდან გაიტაცეს. ოპერატიული გამოძიებისას, იმ დღესვე დაადგინეს მისი ადგილსამყოფელი და წარმატებული მოლაპარაკებების შედეგად გაათავისუფლეს.

მოამზადა ლევან ებრალიძემ.