აქამდე, მოსკოვი აცხადებდა, რომ უკრაინის ახალ ხელისუფლებას არ აღიარებს, თუმცა, ლავროვმა განაცხადა, რომ უმაღლესი რადას მიერ დანიშნულ მინისტრთა კაბინეტთან ურთიერთობის დამყარება, რუსეთის პრეზიდენტმა, ვლადიმერ პუტინმა დაავალა.

უკრაინაში სიტუაციის დარეგულირება შეუძლებელია ფართომასშტაბიანი კონსტიტუციური რეფორმების გატარების გარეშე. ასეთი ხედვა წარმოადგინა რუსეთის ფედერაციის საგარეო საქმეთა მინისტრმა სერგეი ლავროვმა აშშ-ის სახელმწიფო მდივან ჯონ კერისთან და უკრაინის საგარეო საქმეთა მინისტრის მოვალეობის შემსრულებელ ანდრეი დეშიცასთან შეხვედრისას.

რუსი მინისტრი მიესალმება უკრაინაში კონსტიტუციური შესწორებების მოსამზადებლად სამუშაო ჯგუფის შექმნას.

„ეს უკრაინისა და ევროკავშირის საქმეა. თუ მათ ასე გადაწყვიტეს, დაე ასე იყოს. მხოლოდ, გასაკვირია ის, რომ ხელის მოწერა მოხდა იმ პერიოდში, როდესაც უკრაინის ხელისუფლება ჯერ კიდევ არ ჩამოყალიბებულა“, - აღნიშნა ლავროვმა.

მოამზადა ლევან ებრალიძემ.