კანადის, საფრანგეთის, გერმანიის, იტალიის, იაპონიის, გაერთიანებული სამეფოს, შეერთებული შტატების ლიდერები და ევროკავშირის საბჭოს და ევროკომისიის პრეზიდენტები ჰააგაში შეხვდნენ. G7-მა მიიღო დეკლარაცია, რომელშიც დაადასტურა უკრაინის სუვერენიტეტის, ტერიტორიული მთლიანობისა და დამოუკიდებლობის მხარდაჭერა.

"დიდი შვიდეულის" ლიდერები, უკრაინაში ვითარების შემდგომი ესკალაციის შემთხვევაში, რუსეთს ეკონომიკის სექტორში მთელი რიგი სანქციებით დაემუქრნენ.

"თუ რუსეთი გააგრძელებს ესკალაციას, მზად ვართ, გავაძლიეროთ ქმედებები, რომელსაც მნიშვნელოვანი გავლენა ექნება რუსეთის ეკონომიკაზე", - ნათქვამია

განცხადებაში.

"ჩვენ ვწყვეტთ "დიდ რვიანში" მონაწილეობას მანამდე, ვიდრე რუსეთი არ შეიცვლის კურსს. ჩვენ კიდევ ერთხელ შევხვდებით "დიდი შვიდეულის" ფორმატში 2014 წლის ივნისში", - აღნიშნულია განცხადებაში.

რუსეთის საგარეო საქმეთა მინისტრმა სერგეი ლავროვმა განაცხადა, რომ რუსეთი "დიდი რვიანის" ფორმატს არ ებღაუჭება, თუ ის დასავლეთს არ სჭირდება.

გარდა ამისა, გადაწყვიტეს, რომ G7-ის ენერგეტიკის მინისტრები შეხვდებიან, რათა განიხილონ კოლექტიური ენერგეტიკული უსაფრთხოების გზები.

დოკუმენტში ცალკეა გამოწერილი პუნქტი უკრაინის მატერიალურ-ფინანსური დახმარების შესახებ.

მოამზადა ლევან ებრალიძემ.