საქართველოს იუსტიციის მინისტრმა თეა წულუკიანმა დღეს გამართულ ბრიფინგზე საქართველოს ყოფილი პრეზიდენტის, მიხეილ სააკაშვილის პროკურატურაში დაბარებაზე ისაუბრა.

"მინდა ხაზი გავუსვა ერთ მნიშვნელოვან ასპექტს, რომელიც არაერთმა ჩემმა თანაგუნდელმა უკვე განაცხადა. მიხეილ სააკაშვილი პროკურატურაში არის დაბარებული მოწმის სტატუსით. არც ერთ ქვეყანაში არც ერთი მოქალაქე არ არის დაცული იმისგან, რომ არ დაიბარებენ მას რომელიმე სისხლის სამართლის საქმეზე მოწმედ. ეს არის ყველა ქვეყანაში და ასეა ჩვენთანაც. ზურაბ ჟვანიას საქმეზე სახეზეა სიკვდილის ფაქტი, აქედან გამომდინარე, როგორც საერთაშოშირო და შიდა კანონმდებლობით, საქართველოს აქვს ვალდებულება ჩატარდეს მიუკერძოებელი გამოძიება“, - განაცხადა თეა წულუკიანმა