რუსმა ოკუპანტებმა ფეოდოსიაში საზღვაო ფეხოსნების ბატალიონი შეტევით აიღეს.

დილის 4:30 - დან, ფეოდოსიაში უკრაინელი საზღვაო ფეხოსნების ბატალიონის განლაგების რაიონში სროლის ხმა ისმოდა. ნაწილის თავზე ვერტმფრენები ტრიალებდნენ, ხოლო 05:00 საათზე შეტევა დაიწყო, იუწყება უკრაინული მედია.

„წყაროები ადასტურებენ, რომ მუშაობდა ორი ვერტმფრენი МИ-24 და ორიც МИ-8, ასევე - ჯავშანტრანსპორტიორები“, - წერს ფეისბუკში უკრაინის თავდაცვის სამინისტრის ყირიმის მედიაცენტრის უფროსი ვლადისლავ სელეზნიოვი.

ნაწილის ტერიტორია ალყაში მოაქციეს. ნაწილისკენ მიმავალი გზა ორ ჯავშანტრანსპორტიორს და რუსეთის ფედერაციის ოც ჯარისკაცს აქვს გადაკეტილი. ყაზარმის შენობაში ძლიერი კვამლია.

„ტერიტორიიდან სამი „ურალი“ გამოვიდა. მათ ბორტზე უკრაინელი საზღვაო ფეხოსნები არიან. ხელები შეკრული აქვთ“, - იტყობინება სელეზნიოვი.

60-დან 80-მდე საზღვაო ფეხოსანი რუსებმა დააკავეს. მათ სისხლის სამართლის დევნა ელით.

წყარო უარყოფს ინფორმაციას, რომ ცეცხლი პირველად უკრაინელებმა გახსნეს, რასაც ოკუპანტების შეტევა მოჰყვა.

მოამზადა ლევან ებრალიძემ.