უკრაინის თავდაცვის სამინისტროს პრესსამსახურის ხელმძღვანელის ვლადისლავ სელეზნიოვის განცხადებით, ბელბეკის ბაზაზე შტურმისას დაზარალდა ორი ადამიანი - უკრაინელი სამხედრო და ჟურნალისტი.

„შტურმის დროს სამხედრო ნაწილის ტერიტორიაზე ყირიმის სახალხო რაზმის წარმომადგენლები შეიჭრნენ. ბაზის ჭიშკარი ჯავშანმანქანამ შემოამტვრია. შტურმისას სროლის ხმა ისმოდა. ოპერაციაში БТР-80–ის 6 ერთეული იყო ჩართული. დაჭრილებზე ინფორმაცია ზუსტდება“, – განაცხადა ვლადისლავ სელეზნიოვმა.

„ყირიმი რუსეთია, ამიტომაც, უკრაინულმა სამხედროებმა უნდა დატოვონ ყირიმი,“ - განუცხადა BBC-ის კორესპონდენტს ყირიმის სახალხო რაზმის აქტივისტმა.

შტურმის შედეგად, უკრაინელმა სამხედროებმა სამხედრო ნაწილის ტერიტორია დატოვეს.