რუსეთის საგარეო პოლიტიკურ ნაბიჯებს მივყავართ აზრამდე, რომ ეს ქვეყანა პოზიციას იკავებს არა როგორც პარტნიორი, არამედ როგორც ნატოს მოწინააღმდეგე.

ამის შესახებ, პარასკევს, ალიანსის გენერალურმა მდივანმა ანდრეს ფოგ რასმუსენმა ბრიუსელში ფორუმზე გამოსვლისას განაცხადა.

„დღეს რუსეთი იქცევა როგორც არა პარტნიორი, არამედ როგორც ნატოს მოწინააღმდეგე“, - თქვა მან. რასმუსენმა აღნიშნა, რომ ასეთი მდგომარეობა შეშფოთებას იწვევს. ამავდროულად, ის ირწმუნება, რომ რუსეთთან დიალოგის მომხრეა, რათა მასთან სადავო საკითხები გადაწყვიტოს.

„არავის უნდა შეეპაროს ეჭვი ნატოს სიმტკიცეში იმ შემთხვევაში, თუ ერთ-ერთი მისი წევრი საფრთხის ქვეშ აღმოჩნდება. ჩვენი პოზიცია მოკავშირეთა უსაფრთხოების უზრუნველყოფაში ურყევია. ეს ასეა და ასე იქნება“, - ხაზი გაუსვა რასმუსენმა.

„აქ გაურკვევლობა არ უნდა იყოს: ჩვენ დავიცავთ მოკავშირეებს“, - დასძინა მან.

ალიანსის გენერალურმა მდივანმა ევროპელებს მოუწოდა საკუთარი უსაფრთხოების გაძლიერებისაკენ.

„ჩვენ ვერ გავაგრძელებთ განიარაღებას, მაშინ, როდესაც დანარჩენი მსოფლიო შეიარაღდება, ხოლო ზოგიერთები იარაღს აჟღარუნებენ ჩვენ საზღვრებთან“, - აღნიშნა ფოგ რასმუსენმა.

ვაშინგტონში შეისწავლიან უკრაინული მხარის თხოვნას აღმოუჩინონ კიევს სამხედრო დახმარება აშშ-ის მხრიდან.

მოამზადა ლევან ებრალიძემ.