ყოფილი პრემიერის ზურაბ ჟვანიას გარდაცვალების საქმესთან და მიმდინარე დაკავებებთან დაკავშირებით კომენტარს პარლამენტის ყოფილი დეპუტატი ხათუნა ხოფერია აკეთებს.

პარლამენტის ყოფილი წევრი "ნიუპოსტთან" საუბარში განმარტავს, რომ ამ საქმესთან დაკავშირებით ექსპრეზიდენტს, მიხეილ სააკაშვილს პასუხისგება მოუწევს. ხოფერია აცხადებს, რომ მიმდინარე გამოძიებას ენდობა და ყველა ის პირი, ვინც ექსპრემიერის გარდაცვალების საქმეში მონაწილეობდა, დაისჯება.

"პროკურატურამ ავთენტურობა დაადასტურა. დაჭერებიც დაიწყო. იმედი მაქვს, რომ ეს საქმე ძალიან მალე დაიხურება. ამ ხელისუფლების პირობებში გამოძიებას ვენდობი. ვფიქრობ, რომ ლევან ჩაჩუა დიდი ხნის წინ იყო დასაჭერი. ჟვანიას გარდაცვალებაში, დამნაშავეა ყოფილი ხელისუფლების ყველა ის პირი, ვინც ჩაიდინა და ვინც დამალა ეს დანაშაული. ძალიან ბევრ ადამიანს მოუწევს პასუხისგება. მათ შორის ექსპრეზიდენტ მიხეილ სააკაშვილს", - განუცხადა "ნიუპოსტს" ხათუნა ხოფერიამ