დანის და მობილურის აღმოჩენისთვის მსჯავრდებულებს ბრალი წარედგინათ

სამართალი - 17:10, 21 Mar, 2014

1473

სუბარის უწყებამ ბრალდებულებს აკრძალული ნივთების აღმოჩენისთვის ბრალი წარუდგინა. ამის შესახებ ინფორმაციას სასჯელაღსრულების სამინისტრო ავრცელებს.
"2014 წლის 19 მარტს, ბრალდებულ დ.კ.-სა და მსჯავრდებულ ლ.წ.-ს საქართველოს სსკ-ის 3782-ე მუხლის პირველი ნაწილით, თავისუფლების აღკვეთის დაწესებულებაში მოთავსებული პირის მიერ აკრძალული საგნის შენახვა-ტარება-სარგებლობის ფაქტზე ბრალი წარედგინათ.

გამოძიების თანახმად, სასჯელაღსრულების დეპარტამენტის N8-ე დაწესებულებაში მოთავსებული ბრალდებული დ.კ. ფარულად ინახავდა და ატარებდა აკრძალულ ბასრ საგანს - დაშლილ ერთჯერად სამართებელს , რომელიც 2014 წლის 28 იანვარს, ქ.თბილისის საქალაქო სასამართლოში ბრალდებულის ეტაპირებისას ჩატარებული შემოწმება-დათვალიერების დროს საბადრაგო სამსახურის თანამშრომლებმა აღმოაჩინეს.
N15-ე დაწესებულების მსჯავრდებული ლ.წ. ფარულად ინახავდა და ატარებდა აკრძალულ საგანს - მობილურ ტელეფონს, რომლითაც იგი სატელეფონო კავშირებს ახორციელებდა. 2014 წლის 31 იანვარს არაგეგმიური შემოწმება-დათვალიერების დროს მსჯავრდებული ლ.წ.-ს საკნიდან დაწესებულების თანამშრომლებმა მობილური ტელეფონი ამოიღეს. აღნიშნული მუხლით ჩადენილი დანაშაული სასჯელის სახით სამ წლამდე ვადით თავისუფლების აღკვეთას ითვალისწინებს", - აცხადებენ სუბარის უწყებაში.