რუსეთი სირიის შემდეგ მეორე ადგილს იკავებს სხვა ქვეყნებში თავშესაფრის მძებნელი მოქალაქეების რაოდენობით. ასეთი მონაცემები მოჰყავს ლტოლვილთა საქმეებში გაეროს სამმართველოს უმაღლეს კომისარს 2013 წლის ახალ ანგარიშში.

რუსებმა 39,8 ათასი განაცხადი გააკეთეს თავშესაფრის მისაღებად.

ანგარიში ეფუძნება ინდუსტრიულად განვითარებული 44 ქვეყნის მონაცემებს - ევროპის 38 ქვეყანა, და ასევე 6 არაევროპული ქვეყანა, რომლებიც შესაბამის სტატისტიკას წარმოადგენენ.

გასულ წელს, თავშესაფრის მძებნელთა რაოდენობით, ავღანეთი ლიდერობდა, ახლა ის მესამე ადგილზეა, რუსეთის შემდეგ.

2013 წელს, ამ 44 ქვეყანას თავშესაფრის თხოვნით მიმართა 612 700-მა ადამიანმა, რაც 28%-ით მეტია 2012 წლის მონაცემებთან შედარებით. ეს რეკორდულად დიდი მაჩვენებელია 2001 წლის შემდეგ.

ანგარიშის ავტორები თავშესაფრის მთხოვნელთა რიცხვის ზრდას, სირიელებსა და რუსებს უკავშირებენ.

როგორც გაეროს სამმართველოში აცხადებენ, ადამიანები რუსეთს ტოვებენ ძირითადად ჩრდილოეთ კავკასიაში დაძაბული სიტუაციის გამო.

მოამზადა ლევან ებრალიძემ.