ევროკომისია რუსეთის წინააღმდეგ მორიგ სანქციებს დააწესებს. აღნიშნული გადაწყვეტილება, ევროსაბჭოს პრეზიდენტმა ჰერმან ვან რომპეიმ და ევროკომისიის პრეზიდენტმა ჟოზე მანუელ ბაროზომ ბრიუსელში სამიტის შემდეგ გამართულ პრესკონფერენციაზე გაასაჯაროვეს. მათი განმარტებით, მორიგი სანქციები რუსეთს მძიმე შედეგებს მოუტანს. ევროპარლამენტარები პუტინს მოუწოდებენ ყირიმში ეუთო-ს მისია დაუშვას.

რომპეის განცხადებით, თუ ეუთო-ს მისიას მონიტორინგის საშუალება არ მიეცემა, ევროკავშირი ალტერნატიულ გადაწყვეტილებას მიიღებს და შეიქმნება ევროკავშირის სპეციალური მისია, რომელიც შეეცდება, ყირიმში მონიტორინგი აწარმოოს.

"21-ე საუკუნეში ევროპის კონტინენტის საზღვრების ძალისმიერი შეცვლისთვის ადგილი არ არის. სანქციების დაწესება არ არის სამაგიეროს გადახდა. ეს არის საგარეო პოლიტიკის ინსტრუმენტი. ჩვენი მიზანია, უკრაინის წინააღმდეგ რუსეთის შეჩერება. უკრაინის სუვერენიტეტის აღდგენა და ამის მისაღწევად გვჭირდება მოლაპარაკებები”, - განაცხადა რომპეიმb