ექსპერტი ჩაჩუა: "ჟვანიას გვამი გავკვეთე და ვნახე, რომ ერთი წერტილი არ ჰქონია დაზიანებული"

სამართალი - 21:23, 20 Mar, 2014

6530

საქართველოს გარდაცვლილი პრემიერ-მინისტრის, ზურაბ ჟვანიას ცხედრის ექსპერტიზაში მონაწილე სასამართლო-სამედიცინო ექსპერტი ლევან ჩაჩუა "კვირის პალიტრასთან" ინტერვიუში ჟვანიას ცხედრის ექსპერტიზაზე საუბრობს.
როგორც ექსპერტი განმარტავს, ერთადერთი რაც შეიძლება ცხედრის ექსჰუმაციის შედეგად დადგინდეს, ძვლოვანი ქსოვილის ტრავმის აღმოჩენაა.
"ათი საუკუნეც რომ გავიდეს, გამოჩნდება, ჰქონდა თუ არა ზურაბ ჟვანიას თავზე ჭრილობა", - აცხადებს ჩაჩუა.
ექსპერტი გამოცემასთან დასკვნის შედეგებსაც ასაჯაროებს.
"ჩემს საექსპერტო დასკვნაში ორივე გამოკვლევის (თბილისის და FBI-ს) მონაცემებია შეჯამებული. ჟვანიასა და იუსუპოვის სისხლში აღინიშნებოდა ნახშირჟანგის (CO ) დიდი რაოდენობა, დაახლოებით 8-10 ერთეულით მაღალი იყო ამერიკელთა დასკვნაში. COO-თი მოწამვლას ავტოფარეხში დაქოქილი მანქანის გამონაბოლქვიც იწვევს. რა მნიშვნელობა აქვს, ფილტვებიდან შევა ნახშირჟანგი ორგანიზმში თუ კუჭიდან? ძნელია იმის თქმა, პრემიერი მოიწამლა თუ მოწამლეს, ამის დადგენა გამოძიების პრეროგატივაა. აჩვენონ ის ფირები საზოგადოებას და თქვან ყველაფერი! ამ საქმეზე დაკითხულიც კი არა ვარ, მაგრამ ერთი შემიძლია განვაცხადო: თუ დადგინდა, რომ ეს არ იყო უბედური შემთხვევა, იცოდეთ, გარდაცვალება აუცილებლად ნახშირჟანგით არის გამოწვეული. იმიტომ, რომ გვამზე დაზიანება არ ყოფილა! გვამი გავკვეთე და ვნახე, რომ ერთი წერტილი არ ჰქონია დაზიანებული", - აცხადებს ლევან ჩაჩუა.

ინტერვიუ ექსპერტთან გამოქვეყნებულია 2 თებერვალს.

http://www.kvirispalitra.ge/justice/20521-qme-davtsere-zhvaniaze-daskvna-da-thu-vinme-iyo-mosaklavi-me-viyaviq.html