მურთაზ ზოდელავამ პროკურატურა დატოვა

სამართალი - 19:57, 20 Mar, 2014

1536

ყოფილი მთავარი პროკურორის მურთაზ ზოდელავას დაკითხვა დასრულდა.
როგორც დაკითხვიდან გამოსულმა ექს მთავარმა მთავარმა პროკურორმა აღნიშნა პროკურატურას ის ინფორმაცია მიაწოდა, რომელიც მართებული და სწორია.
"მე გამოძიებას მივაწოდე ის ინფორმაცია, რომელიც არის მართებული და სწორი, მივიჩნევ, რომ ეს ასეა და დანარჩენი გამოძიების საქმეა, ვნახოთ, როგორ განვითარდება მოვლენები. დღეს გაჟღერებული ვერსია იმის თაობაზე, რომ ჩემს კაბინეტში, მთავარი პროკურორის კაბინეტში სეიფში რაიმე განსაკუთრებული და შოკისმომგვრელი იქნა აღმოჩენილი, არის აბსურდი. მტკიცებულება იმის თაობაზე, რომ თავდაპირველი ვერსია ზურაბ ჟვანიას გარდაცვალებასთან დაკავშირებით არის არასწორი, ან მასში რაიმე მცდარია, ეს არის სიცრუე და მხოლოდ იმას ემსახურება, რომ მოხდეს ამ თემით სპეკულირება. ჟვანიას გარდაცვალების საქმეზე დიდი ხანია, პოლიტიკური სკანდალის და პოლიტიკური შოუს ნაწილად იქცა, რაც სამწუხარო და მართლაც მძიმეა, განსაკუთრებით მისი ოჯახის წევრებისთვის, თუმცა ამაზე პასუხისმგებლობა პოლიტიკოსებს და ახლა თანამდებობებზე მყოფ პირებს ეკისრებათ“, - განაცხადა ზოდელავამ.
მურთაზ ზოდელავა პროკურატურაში 15:00 საათზე დაიბარეს.