თამარისის მოსახლეობა გოგონას მკვლელობისთვის დაკავებულის გადაცემას ითხოვს

სამართალი - 16:18, 20 Mar, 2014

2493

მარნეულის მუნიციპალიტეტის სოფელ თამარისის მოსახლეობა მკვლელობაში ეჭვმიტანილის ლინჩის წესით გასამართლებას ითხოვს. აღნიშნული მოთხოვნით ადგილობრივებმა პოლიციის შენობასთან აქციაც გამართეს.
თამარისში შემზარავი მკვლელობა 19 მარტს მოხდა. 17 წლის გოგონა საკუთარმა მეზობელმა, 52 წლის მამაკაცმა გაუპატიურა, შემდეგ დანით ყელი გამოჭრა, საკუთარ ეზოში ჯერ დაწვა და შემდეგ დამარხა.
სამართალდამცველებმა ეჭვმიტანილი ცხელ კვალზე დააკავეს.
"შსს-ს ქვემო ქართლის სამხარეო მთავარი სამმართველოს მარნეულის რაიონული სამმართველოს თანამშრომლებმა, ოპერატიულ-სამძებრო და საგამოძიებო ღონისძიებების შედეგად, 1963 წელს დაბადებული იაგო წ. განზრახ მკვლელობის ბრალდებით დააკავეს.
გამოძიებამ დაადგინა, რომ დაკავებულმა 19 მარტს მოკლა მეზობელი, 1997 წელს დაბადებული მანანა ნ. და ცხედარი გადამალა. სამართალდამცველებმა მოკლული გოგონას ცხედარს მომხდარიდან რამდენიმე საათში მიაკვლიეს და ოპერატიული მოქმედებების შედეგად იაგო წ. ცხელ კვალზე დააკავეს.დაკავებული აღიარებს ჩადენილ დანაშაულს. გამოძიება დამამძიმებელ გარემოებაში ჩადენილი განზრახ მკვლელობის ფაქტზე მიმდინარეობს (საქართველოს სსკ-ს 109-ე მუხლის მე-2 ნაწილის „ბ“ ქვეპუნქტით)", - აცხადებენ შსს-ში.