გერმანიის კანცლერმა ანგელა მერკელმა განაცხადა, რომ ამჟამინდელ პირობებში „დიდი რვიანი“ უკვე აღარ აესებობს.

მერკელის თქმით, უახლოეს დღეებში ევროკავშირი და „დიდი შვიდეული“ გამოაცხადებენ კონკრეტულ ცვლილებებს რუსეთთან ურთიერთობებში ყირიმის მიერთების გამო.

„ეს ცხადია: მანამდე, სანამ არ არის პოლიტიკური პირობები - როგორც ახლა - ისეთი მნიშვნელოვანი ფორმატისთვის, როგორიცაა G8, თავად G8-ც ვეღარ იარსებებს - არც სამიტი, არც ფორმატი როგორც ასეთი“, - ხაზი გაუსვა მერკელმა ბუნდესტაგში გამოსვლისას.

გერმანიის კანცლერმა ასევე გამოაცხადა, რომ ევროკავშირი რუსეთთან მიმართებით ახალ სანქციებს შემოიღებს ყირიმის კრიზისთან დაკავშირებული იმ ადამიანების წრის გაზრდით, რომელთაც ევროკავშირში შესვლას აუკრძალავენ და საბანკო ანგარიშებს გაუყინავენ.