ნიკოლეიშვილი ჟვანიას ცხედრის ექსჰუმაციას ითხოვს

სამართალი - 21:52, 19 Mar, 2014

2700

ექსპერტი მაია ნიკოლეიშვილი მიიჩნევს, რომ „იუთუბიზე“ გავრცელებული ვიდეო ზურაბ ჟვანიას გარდაცვალების საქმეზე დასკვნის გასაკეთებლად საკმაირის არ არის.

როგორც „ნიუპოსტს“ ნიკოლეიშვილმა განუცხადა, აუცილებელია მოხდეს ექსკუმაცია და უნდა მოხდეს დაზიანებების დაფიქსირება.

„მე როგორც ექსპერტი, ფოტოებით და კადრებით ვერანაირ დაზიანებაზე ვერ ვილაპარაკებ. საუბარიც ზედმეტია იმის დადგენაზე მკვლელობაა თუ არა ეს. ეს უკვე გამოძიების საქმეა. თუმცა დაზიანებებს ნამდვილად შეიმჩნევა, მაგრამ რაც მე კადრები ვნახე ამაზე ღრმად ვერ ვისაუბრებ. მხოლოდ კადრები საკმარისი არაა, რომ ექსპერტმა საგანზე მიყენებულ დაზიანებაზე დასკვნა გააკეთოს. ეს ვიდეო უფრო სარწმუნოობისთვის და წარმოდგენის შექმნისთვის არის. მე ისევ იმ აზრზე ვარ, რომ უნდა გაკეთდეს ექსჰუმაცია და რა დაზიანებებიც იქნება ის დაზიანებებიც უნდა დაფიქსირდეს. თუ ეს დაზიანებები არ იქნება აღმოჩენილი, მერე ვიმსჯელოთ უკვე როგორ შეიძლება, კომპლექსში ამ ყველაფრის შეფასება“, - განაცხადა ნიკოლეიშვილმა.

სოციალურ ქსელში გარდაცვლილი პრემიერის ზურაბ ჟვანიას და რაულ უსუპოვის ცხედრების ვიდეო კადრები გავრცელდა, რომელიც კადრების მიხედვით, ნაწილი ბინაში, ხოლო ნაწილი პროზექტურაშია გადაღებული.

ვიდეო ,,იუთუბიზე“ უცნობი პირის ვინმე hakim pasha-ს მიერ არის ატვირთული.