რუსეთის პრეზიდენტის ვლადიმერ პუტინის პრეს-მდივანმა დიმიტრი პესკოვმა განაცხადა, რომ უკრაინელ სამხედროებს, რომლებიც ყირიმში რჩებიან, შეუძლიათ შეუერთდნენ ყირიმის სამხედრო ნაწილებს, ხოლო შემდეგ - რუსულ არმიას, ან „თავისუფლად დატოვონ ნახევარკუნძული“.

ამის შესახებ მან პროგრამა ВВС Hardtalk-ში განაცხადა.

ყირიმის ტერიტორიაზე დაახლოებით 20 ათასი უკრაინელი ჯარისკაცია.

ყირიმში დაღუპულ უკრაინელ სამხედრო მოსამსახურის შესახებ, პესკოვმა თქვა: „სამწუხაროდ, იძულებული ვართ პროვოკაციებს შევეჩეხოთ“.

მისი თქმით, რუსეთი არ აპირებს აღმოსავლეთ უკრაინის ტერიტორიაზე საომარი მოქმედებების დაწყებას.

„უკრაინის აღმოსავლეთ რეგიონებში საომარ მოქმედებებზე საუბარი არ მიდის. მაგრამ რუსეთი გააკეთებს ყველაფერ შესაძლებელს, კანონიერი საშუალებების გამოყენებით - ყველა კანონიერი საშუალების, საერთაშორისო უფლებებთან სრული შესაბამისობით, - რათა დავიცვათ და დახმარების ხელი გავუწოდოთ რუსებს, რომლებიც უკრაინის აღმოსავლეთ რეგიონებში ცხოვრობენ“, - აღნიშნა პესკოვმა.

მოამზადა ლევან ებრალიძემ.